DEMCO EPOX 2001 SELF/MID COAT

Təsvir

Həlledicisiz, epoksid dolğulu ara və şpatel qatıdır. Tətbiq edildiyi səthə yapışır, onun zərbəyə davamlılığını və kimyəvi müqavimətini artırır. Eyni zamanda özündən sonra gələn qatların səthə yapışmasını təmin edir. Dolğu xüsusiyyəti sayəsində şpatel qatı kimi istifadə olunur.

Üstünlüklər

• Tərkibində həlledici yoxdur.
• Tətbiqi asandır.
• Özüyayılma xüsusiyyəti sayəsində tətbiq edildiyi səthdə öz-özünə hamarlanır.
• Beton strukturundakı kapilyar boşluqlara nüfuz edir.
• Beton səthlərin tozlanmasının qarşısını alır, betonun kimyəvi və zərbə davamlılığını artırır.
• Doldurucu xüsusiyyəti sayəsində şpatlama və ara qat kimi istifadə olunur.

Texniki xüsusiyyətlər

Səthin hazırlanması və tətbiq

• Tətbiq ediləcək səthlər yağ, pas, toz və bu kimi çirklərdən təmizlənmiş olmalıdır. Səthdə nəm olmamalı, heç bir halda zəif yapışmış təbəqə qalmamalıdır.
• Parlaq səthlər shot-blast və ya frezləmə ilə kələ-kötürləşdirilməlidir.
• Hazırlanmış beton səth tətbiq təlimatları nəzərə alınmaqla, üstünlük verilərək həlledicisiz epoksid hopdurucu astar DEMCO EPOX 100 PR ilə hopdurulacaq şəkildə astarlanmalıdır.
• Səthdə çatlar və çuxurlar varsa, epoksid macunla təmir edilməlidir.
• Hazırlanmış və astarlanmış səth üzərinə epoksid doldurucu astar DEMCO EPOX 172 PR/F dişli mala ilə tətbiq olunur.
• Üzərinə dolğu və ya kvars səpməyə ehtiyac yoxdursa, əmələ gələn qazlar iynəli valik ilə kənarlaşdırılır. Üzərinə dolğu və ya kvars səpilərsə, 24 saatdan sonra sərbəst kvars dənələri süpürülərək kənarlaşdırılır.
• Raspa və ya helikopter ilə səth emalı aparıldıqdan sonra DEMCO EPOX 2001 SELF/MID COAT malanın düz tərəfi ilə şpatel qatı kimi tətbiq olunur.
• Toxunma bərkliyinə çatdıqdan sonra istənilən son qat tətbiq edilir.

Qarışdırma: B komponentinin hamısı A komponentinin içinə boşaldılmalı və iki komponent homogen qarışıq əmələ gətirənə qədər ən azı 3 dəqiqə qarışdırılmalıdır. Qarışıqda hava qabarcıqlarının yaranmasının qarşısını almaq üçün aşağı dövrlərdə qarışdırılması tövsiyə olunur.

Durulaşdırıcı: Həlledici ilə durulaşdırılmır.

Tətbiq şərtləri

• İş sahəsinin temperaturu 15°C – 30°C olmalıdır.
• Tətbiq ediləcək döşəmənin ideal temperaturu 15°C – 30°C olmalıdır. Temperatur heç bir halda 10°C-dən aşağı olmamalıdır.
• Açıq və qapalı sahələrdə aparılan tətbiqlərdə əsasın temperaturu, ətraf mühitin temperaturu və rütubəti nəzərə alınmalıdır.
• Əsasın nisbi nəmliyi %4-dən, mühitin nəmliyi isə %80-dən aşağı olmalıdır.
• Tətbiqdən sonra 24 saat ərzində toxunulmamalı və su ilə təmas etməməlidir.
• İş zamanı lazımi miqdarda qarışıq hazırlanmalı və bu qarışığın hamısı istifadə olunana qədər işə davam edilməlidir.
• 20 – 25°C temperaturda tətbiq edilən məhsulun otaq temperaturunda tam bərkimə müddəti orta hesabla 7 gündür.

Sərfiyyat

Sərfiyyat tələb olunan təbəqə qalınlığından asılı olaraq dəyişir (1 mm qalınlıq üçün təxminən 1700 g).

Saxlama və yararlılıq müddəti

Açılmamış orijinal qablaşdırmada, 15 – 25°C-də, birbaşa günəş şüası düşməyən, quru və qapalı anbarlarda saxlanılmalıdır. Bu şəraitdə yararlılıq müddəti 1 ildir.

Qablaşdırma

Ümumi xalis çəki: 20 kg (A: 16,80 kg / B: 3,20 kg)

Təhlükəsizlik tədbirləri

• Qarışığın və ya komponentlərin dəri və gözlə təmasından qaçınılmalıdır. Təmas olduqda bol su ilə yuyulmalı və həkimə müraciət edilməlidir.
• Qoruyucu əlcək, geyim və eynək istifadə olunmalıdır.
• Uşaqların əli çatmayan yerdə saxlanmalıdır.

Təsdiqlər / Standartlar

CE sertifikatı çərçivəsində EN 1504-2-yə uyğun olaraq sınaqdan keçirilmişdir.