DEMCO BTM 400 2K

Təsvir

DEMCO ® BTM 400 modifikasiya olunmuş bitum-kauçuk və sement əsaslı, su bazasında hazırlanmış, ikikomponentli, istifadəyə hazır, çatları örtmə qabiliyyətinə malik elastik maye hidroizolyasiya materialıdır.

Üstünlüklər

• Çatları örtmə qabiliyyətinə malikdir.
• Asan və sürətlə tətbiq olunur.
• Quru və nəm səthlərə tətbiq oluna bilər.
• Soyuq üsulla tətbiq edilir və qısa müddətdə quruyur.
• Tətbiq olunduğu səthdə fasiləsiz və tikişsiz hidroizolyasiya təmin edir.
• Yüksək yapışma qabiliyyətinə malikdir.
• Şaquli səthlərdə sallanma yaratmır.
• Elastikliyini qoruyur. Kapilyar çatları örtür.
• Müsbət istiqamətli su təzyiqinə davamlıdır.
• Su əsaslı olduğundan ekoloji cəhətdən təmiz məhsuldur.
• Tərkibində yanıcı və zəhərli maddələr olmadığından qapalı məkanlarda da istifadə üçün uyğundur.

Tətbiq sahələri

Hidroizolyasiya materialı kimi aşağıdakı sahələrdə istifadə olunur:

• Daxili və xarici məkanlarda
• Üfüqi və şaquli səthlərdə
• Beton, suvaq, styajka və s. mineral əsaslı səthlərdə
• Binaların bünövrə, monolit divar, nəm otaq və eyvanlarında torpaq rütubətinə, sızma suyuna və təzyiqsiz yeraltı sulara qarşı
• Terras izolyasiyası tətbiqlərində örtük altında
• İstilik izolyasiyası lövhələrinin bitumlu membranlara yapışdırılmasında
• Mətbəx, hamam və s. yaş döşəmələrin izolyasiya tətbiqlərində
• Su çənlərinin xaricdən izolyasiyasında

Texniki xüsusiyyətlər

*Bütün texniki göstəricilər +23°C və %55 nisbi rütubət şəraitinə görə hesablanmışdır. Temperatur və rütubət dəyişiklikləri texniki göstəriciləri dəyişdirir.

Səthin hazırlanması və tətbiq

Səthin hazırlanması: Tətbiq ediləcək səth quru olmalıdır. Toz, çirk, pas, boya, yağ və bu kimi adgeziyanı azaldan maddələrdən təmizlənməlidir. Zədələnmiş hissələr, möhkəm olmayan səthlər və çatlar uyğun təmir məhlulu ilə bərpa edilməlidir. Daxili kənar və künclərdə konstruktiv təmir məhlulları ilə faska yaradılmalı; xarici kənar və künclər isə mexaniki üsullarla yonularaq yumrulaşdırılmalıdır.

Astarlama: Hazırlığı başa çatmış səth uyğun DEMCO ® BTM 400 astar materialı ilə astarlanaraq izolyasiya tətbiqinə hazır vəziyyətə gətirilməlidir.

Qarışdırma: B komponenti (toz) A komponentinə əlavə edilir və bircins qarışıq alınana qədər aşağı dövrlü qarışdırıcı ilə qarışdırılır.

Tətbiq: DEMCO ® BTM 400 səthə rulo, mala, fırça və havasız püskürtmə maşını (sprey) ilə tətbiq oluna bilər. Səthin tamamilə örtüldüyündən və məsaməsiz qat əmələ gəldiyindən əmin olmaq lazımdır. Ən azı iki qat tətbiq olunur. Geniş sahələrdə tətbiq aparılacaqsa, hidroizolyasiya sisteminin daşıyıcılıq qabiliyyətini artırdığı üçün qatlar arasında izolyasiya torunun istifadəsi tövsiyə olunur. Qatlararası gözləmə müddəti ~12 saatdır. İkinci qat tətbiq edilməzdən əvvəl birinci qatın tam quruduğundan əmin olmaq lazımdır. Uyğun yapışma şəraitini təmin etdiyi üçün sprey ilə aparılan tətbiqlərdən dərhal sonra rulo ilə səthin düzəldilməsi tövsiyə olunur.

Tətbiq şərtləri

• Səth betondursa, beton tam bərkimiş olmalı və onun nəmlik dərəcəsi 4%-i keçməməlidir.
• Yaş, yüksək nəmliyə malik, donmuş və ya 24 saat ərzində donma riski olan səthlərə tətbiq aparılmamalıdır.
• Tətbiq zamanı hava temperaturu +5°C ilə +35°C arasında olmalıdır.
• +5°C-dən aşağı və ya +35°C-dən yuxarı hava şəraitində, yağışlı və/və ya küləkli havalarda tətbiq aparılmamalıdır.
• Qarışdırmaya başlamazdan əvvəl materialların temperaturunun +10°C ilə +30°C arasında olduğundan əmin olunmalıdır.
• Qarışdırma zamanı və ya tətbiq əsnasında qarışığa kənardan su və ya hər hansı başqa maddə əlavə edilməməlidir.
• Tətbiqdən sonra səth tam quruyanadək su, yağış, şeh, qar, dolu və bu kimi təsirlərdən qorunmalıdır.
• Tətbiqi başa çatmış səth ən gec 3 gün ərzində örtülərək xarici təsirlərdən qorunmalıdır.
• Bünövrə pərdə divarlarının izolyasiyası işlərində tətbiqdən sonra qoruyucu qat çəkilmədən torpaq dolğusu aparılmamalıdır.
• Püskürtmə ilə aparılan tətbiqlərdən sonra maşın sistemindəki məhsul bərkiməzdən əvvəl təmizlənməlidir.
• İçməli su çənlərinin və üzgüçülük hovuzlarının izolyasiyası üçün uyğun deyil.
• İstifadədən dərhal sonra avadanlıqlar sabunlu su ilə təmizlənməlidir. Bərkimiş material həlledici ilə təmizlənə bilər.

Sərfiyyat

1,50 kg/m² (1 mm qalınlıq üçün)

*Sərfiyyat səthin kələ-kötürlüyündən asılı olaraq dəyişə bilər.

Saxlama və yararlılıq müddəti

Açılmamış orijinal qablaşdırmada, quru mühitdə, şaxtadan qorunaraq, +10°C ilə +30°C aralığında saxlanmalıdır. Məhsulların üzərinə qablaşdırmalarına zərər verəcək şəkildə həddindən artıq yük qoyulmamalıdır.

Uyğun saxlama şəraitində yararlılıq müddəti istehsal tarixindən etibarən 12 aydır. Açılmış qablardakı məhsullar qısa müddətdə bərkiyəcəyi üçün təkrar saxlanılmamalı, istifadə edilib bitirilməlidir.

Qablaşdırma

30 kg-lıq (± %2) vedrə qablaşdırmada

Təhlükəsizlik tədbirləri

İstifadə zamanı əməyin mühafizəsi və təhlükəsizliyi qaydalarına uyğun iş geyimi, qoruyucu əlcək və maska istifadə edilməlidir. Göz, ağız və dəri ilə təmasdan çəkinilməli; təmas olan nahiyə bol su ilə yuyulmalıdır. Daha təhlükəli hallarda və ya məhsul udulduqda təcili olaraq mütəxəssis həkimə müraciət edilməlidir. Tətbiq sahələrinə yemək və içki gətirilməməlidir. Uşaqların əli çatmayan yerlərdə saxlanılmalıdır. Ətraflı məlumat üçün Təhlükəsizlik Məlumat Vərəqəsinə (MSDS) müraciət edilməlidir.