DEMCO EPOX METALİK

Təsvir

Daxili məkanlar üçün həlledicisiz, ikikomponentli epoksid döşəmə örtüyü materialıdır. Tərkibindəki xüsusi piqmentlər metallik effekt yaradaraq döşəmədə dekorativ görüntülər əldə etməyə imkan verir. Bərkidikdən sonra mexaniki təsirlərə davamlı, aşınmaya qarşı dözümlü, bərk və parlaq səthlər əmələ gətirir.

Üstünlüklər

• Tərkibində həlledici yoxdur, qapalı məkanlarda təhlükəsiz istifadə oluna bilər.
• Yaxşı yayılma qabiliyyəti sayəsində praktik şəkildə tətbiq olunur.
• Dekorativdir, tozlanmayan və parlaq səth təmin edir.
• Baxımı və təmizlənməsi asandır. Gigiyenik səth yaradır.
• Divardan divara, tikişsiz, birləşmə yeri olmadan bütöv şəkildə tətbiq edilə bilər.

Tətbiq sahələri

• Ticarət mərkəzləri, mağaza və şourum döşəmələrində.
• Ofis binaları və restoranlar kimi sahələrin döşəmələrində.
• Laboratoriya, qida və əczaçılıq müəssisələrinin döşəmələrində.

Texniki xüsusiyyətlər

Səthin hazırlanması və tətbiq

Səthin hazırlanması:

• Tətbiq ediləcək səthlər yağ, pas, toz və bu kimi çirklərdən təmizlənmiş olmalıdır.
• Tətbiq ediləcək səthdə nəm olmamalı, heç bir halda möhkəm yapışmayan təbəqə qalmamalıdır.
• Parlaq səth shot-blast, cilalama və ya frezləmə ilə pürüzlü hala gətirilməlidir.
• Hazırlanmış beton səth tətbiq təlimatları nəzərə alınmaqla DEMCO EPOX 100 PR ilə hopdurulacaq şəkildə astarlanmalıdır.
• Zəruri hallarda döşəmə rəngli ara qatla rəngləndikdən sonra metallik epoksid tətbiqinə keçmək olar.

Məhsulun qarışdırılması:

• A komponenti öz qabında bircinsli olana qədər qarışdırılır.
• B komponentinin hamısı A komponentinin içinə boşaldılır və iki komponent bircinsli qarışıq əmələ gələnə qədər aşağı sürətdə təxminən 3 dəqiqə qarışdırılmalıdır.
• Lazımi müddətdən artıq qarışdırma məhsulun xüsusiyyətlərinə təsir edə biləcəyi və hava qabarcıqları yaradacağı üçün aparılmamalıdır.

Tətbiq üsulu:

• Hazırlanmış qarışıq fırça və ya valik vasitəsilə səthə yayılaraq tətbiq edilir.
• Bütün səthə bərabər qalınlıqda tətbiq edilməlidir.
• Metallik effektin və dekorativ görünüşün daha qabarıq olması üçün tətbiqdən təxminən 1-2 saat sonra istənilən effekt və dekorativ görünüş verilərək məhsul qurumağa buraxılmalıdır. Bu əməliyyat məhsul qurumağa başlamazdan əvvəl, hələ forma ala bildiyi vaxt aparılmalıdır.

Tətbiq şərtləri

• Açıq sahələrdə və xarici məkanlarda istifadə üçün uyğun deyil.
• Tətbiq olunacaq əsasın temperaturu 15 – 30°C olmalıdır. Əsasın nisbi rütubəti %4-dən aşağı olmalıdır.
• Tətbiq zamanı və sonra ətraf mühitin temperaturu və rütubəti nəzərə alınmalıdır. Havanın rütubəti %80-i keçməməli, temperatur isə mütləq 10°C-dən yuxarı olmalıdır.
• İş zamanı lazımi miqdarda qarışıq hazırlanmalı və bu qarışığın hamısı istifadə olunana qədər işə davam edilməlidir.
• Tətbiqdən sonra 24 saat ərzində döşəməyə toxunulmamalı və su ilə təmas etdirilməməlidir.

Sərfiyyat

Tətbiq səthindən və yaradılacaq dekorativ görünüşdən asılı olaraq 1-2 qat tətbiq edilə bilər. Bir qat üçün hər kvadratmetrə 0,5 – 1,0 kg sərfiyyat kifayət edəcəkdir.

Saxlama və yararlılıq müddəti

Birbaşa günəş şüası düşməyən, 15-25°C temperaturlu anbarlarda saxlanılmalıdır. Yararlılıq müddəti 12 aydır.

Qablaşdırma

A+B dəst şəklində 18 kg və 5 kg-lıq metal vedrələrdə təqdim olunur.

Təsdiqlər / Standartlar

CE sertifikatı çərçivəsində EN 1504-2-yə uyğun olaraq sınaqdan keçirilmişdir.